الفرق بين عقلية الشباب والبنات يختلف بنسبة كبيرة
ولكن ليس معنى كلامى ان كل الشباب تفكيرهم واحد ونفس الحال للبنات ولكن انا اقصد بالغالبية العظمى من الجنسين
فهيا بنا نقعد مناظرة بين الطرفين
الشباب : يا ترى الواحد حيقعد قد ايه بعد ما يخلص الكلية لغاية ما يشتغل
البنات: يا ترى حقعد قد ايه بعد الكلية لغاية ما اتجوز
____________________________________________________
الشباب: امتا بقى اخلص الكلية خلى الواحد بقى يشوف حياته ويكون مستقبله
البنات: يارب الكلية تطول انا مش متخيلة انى ابعد عن شيرى وميرو وبطة
____________________________________________________
الشباب : ايه اخر عروض موبينيل يارب تكون الدقيقة بقت بقرش
البنات : ايه اخر اكواد الكل تون
__________________________________________________
الشباب : امتا حينزل شريط عمرو دياب
البنات : اخر شريط لتامر حيكون امتا ويارب بعرور ينزل اغنية مفرقعة عايزين نرقص شوية
_____________________________________________________
الشباب : ايه اخر اصدارات الويندوز اكس بى
البنات : حروح بكرة سوق الكمبيوتر حشترى ماوس لونه بمبى شكله يجنن
_______________________________________________________
الشباب : عايز موقع احمل من عليه لعبة نيد فور سبيد 4
البنات : عايزة موقع احمل من علية لعبة باربى
_________________________________________________
الشباب : حروح بكره السينما اتفرج على فيلم السقا
البنات : حروح بكره السينما اتفرج على فيلم احمد عز
____________________________________________________
الشباب : عايز اغير موبايلى واشوفيلى موبايل كورى جامد
البنات : عايزة اغير موبايلى واشوفيلى سامسونج رقيق
___________________________________________________
الشباب : موبايلى عليه فيرس بس انا وراه وراه حشيل امه
البنات : موبايلى عليه فيرس خلاص مفيش فايدة افرمط الجهاز بقى
____________________________________________________
الشباب : ماتشات الشامب زليجا امتا
البنات : انا سمعت ان الاهلى حيلعب بكره
_________________________________________________
الشباب : نفسى اصحى اصلى الفجر
البنات : نفسى انتظم فى الصلاة
______________________________________________
الشباب : نفسى ارتبط بواحدة جميلة ورقيقة وتخاف عليا
البنات : نفسى ارتبط بواحد لذيذ ومطرقع ودمه خفيف ومعاه موبايل ان 73
حد معاه موبيل ان 73
موضوع: الفرق بين عقلية الشباب والبنات 
الإثنين أغسطس 31, 2009 11:31 am
