بعد غيبه مش طويله رجعت

بعد غيبه مش طويله رجعت تانى ليكو ورجعت لحياتى تانى
مش عرفه ايه الى خلانى اكتب كدة
او افتح موضوع جديد
الا انى عاوزة اتكلم معاكو
عاوزة استريح
افضفض
زهقت
مخنوقه
وتعبانه
الدنيا سودة
مفيش مستقبل ادامى
تسئلونى مالك يا بنتى
اقول مش عرفه
مش فاهمة
نفسى اعرف وافهم فى ايه
واحدة قدامها الحياه سودة
كرهت كل حاجة
كرهت الدنيا
وصدقونى انى كرهت علتى كمان
لدرجه انى كرهت نفسى
تسئلونى ليه اقولكم بردوا مش عرفه
عاوزة اصرخ واملى الدنيا دموع
مخنووووووووووووووووووقه
مش عارفه اعمل ايه اطلع من الى انا فيه دة ازاى
ملكتش غيركوا
اتكلم وافضفض معاه
يمكن حد فيكو يقول ايه الهبله دى
بس انا حسه انى مخنوقه اوى
حد حس كدة قبل كدة
وازاى خرجتو من الاحساس دة
لان دة ممكن يضيعنى ويزعل منى ناس كتير اوى
طول عليكو
مش مشكله استحملونى شويه
الى حس الاحساس دة قبل كدة يقولى عمل ايه يسعدنى لانى تعبااااااااااااااانه

موني
اهدي شويه ياموني
دي حاله ضيق وهتروح لحالها
انا بيحصلي كدا بكون مخنوقه لدرجه غريبه وكمان تحسي ان نفسك مكتوم شويه ومش قادرة تاخدي نفسك وكمان مش عايزة تكلمي وحد وبتتنرفزى بسرعه
موني
انتي في حاجه شغله بالك الخنقه الا انتي فيها بسبب حاجه معينه في بالك
اكيد يا موني
خليكي صريحه مع نفسك كدا ومتقوليش مش عارفه ليه
مش لازم تكون حاجه كنتي بتفكري فيها لا دي ممكن تكون حاجه حصلت معاكي من فترة ومسببه لكي اثار سلبيه لحد دلوقتي
بصي بقي
انتي هيكون صعب صعب تخرجي بره المود ده عشان ده من جواكي مش قادرة تخرجي منه حسه انك مفيش امل ادامك
فده هياخد وقت شويه
بس اكيد اول ما بتحسي بكدا
قومي صلي وقولي قل اعوذ برب الفلق واغسلي وشك وقفي في حته فيها هواء عشان تفوقي كدا
يالا بقي ياموني ياعسل احنا مش متعودين عليكي كدا
فرفش ياجميل

ولا عندك حث يايويو
معلش يامونى ياجميل
فرفشى دة احنا ف ايام مفترجة ليه عودة بالموضوع

معلش يا قمر انا حصلتلى كتيرررر اوى
بس بخرج منها لوحدى مفيش حاجة معينة بس والله
نفسي اعرف فعلا من اية دة